A Marea propón a creación dun Observatorio Municipal da Saúde das Mulleres
A Marea presentou o seu Programa de Igualdade diante da estatua que a cidade ten en lembranza e recoñecemento á figura de Concepción Arenal.
As integrantes da lista Lucia Vizoso, Begoña Hermida e Paula Meizoso, compareceron en rolda de prensa para explicar que o Programa de Igualdade da Marea constrúese sobre tres eixos:
- 1º Eixe, propostas de reordenamento institucional, onde destaca a aposta polo enfoque comarcal que caracteriza á Marea, indicando que os servizos da Casa das Mulleres, Casa de Acollida e CIM, pasen a ser servizos mancomunados. Ou donde tamén se especifica a reformulación do actual Consello Sectorial da Muller para convertilo nun órgano resolutivo.
- 2º Eixe, propostas de implementación de políticas de igualdade, onde destaca a convocatoria dun Foro Cidadá Pola Igualdade, o impulso ao III Plan de Igualdade ou a creación dunha Escola de Empoderamento.
- 3º Eixe, propostas de implementación de políticas de saúde para as mulleres e garantía de dereitos sexuais e reprodutivos, onde se reflicte a preocupación de A Marea pola saúde das cidadás de Ferrol, en relación aos problemas e necesidades asociadas ás distintas etapas e momentos vitais das mulleres (sexualidade, embarazo, parto, post-parto, aborto, menopausia, enfermidades de transmisión sexual, cancro...). Unha preocupación que leva á Marea a propoñer a creación dun Observatorio Municipal da Saúde das Mulleres, que entre as súas funcións estaría a interlocución e coordinación co área sanitaria en todos estes temas, realizando un estudo de diagnose sobre a situación da saúde das mulleres, e elaborando propuestas para garantir os dereitos relacionados coa saúde.