Comisión de Organización 06. (03-02-15) Unknown19:55

Acta.

Nas dependencias do Ateneo Ferrolán reúnese a Comisión de Organización de Marea Ártabra sendo as 20,15 horas coa presenza de César Manso, Bernardo Cuétara, Chema Hernández, Mónica Amenedo e Ismael González coa seguinte Orde do Día:

• Aprobación da acta da Comisión celebrada o día 31/01/2015
• Análise das propostas recibidas para a Asemblea Extraordinaria do día 5 de febreiro
• Proposta de Mesa para a Asemblea
• Cronograma da Comisión

Ábrese a sesión da Comisión coa lectura da Acta da Comisión anterior que é aprobada por unanimidade.

A continuación indícase que non se recibíu ningunha proposta para a Asemblea do Xoves 5 polo que se acorda dar traslado a todo o Censo da Marea das propostas presentadas na Comisión do 31 de xaneiro.

En terceiro lugar, e dado que non se celebrou Coordenadora durante esta semana acórdase que en caso de que non haxa voluntarios para compor a mesa da Asemblea que sexan César, Chema e Lucía os que conformen a Mesa da Asemblea.

Finalmente apróbase un cronograma da Comisión para elaborar os textos necesarios para levar adiante os acordos que se tomen na Asemblea do día 5. Este cronograma sería o seguinte:

• Martes 10 de febreiro: Comisión de Organización para debater o Código ético da Marea e os Estatutos do partido político de ser esta a opción elexida ou os trámites legais para conformar a Agrupación de Electores de optarse por esta fórmula. 
• Propor á Coordenadora a celebración dunha Asemblea Extraordinaria o día 19 de febreiro para aprobar estes temas 
• Luns 16 de febreiro: Reunión da Comisión de Organización para debater o Regulamento de Primarias. (Encárgase a Bernardo elaborar un modelo de Regulamento) 
• Sabado 21 de febreiro: Xornada de debate sobre o Regulamento de Primarias mediante a convocatoria dunha Comisión extraordinaria da Comisión de Organización. 
• Mércores 25 de febreiro: Debate en Asemblea Ordinaria do Regulamento de Primarias. 
• A previsión para a celebración das primarias en Ferrol seria entre o día 10 e 20 de marzo.       

E sen máis temas que tratar péchase esta reunión as 22,30 horas.