Acta.
Reunidos/as no Ateneo Ferrolán ás 20h. do día 6 de outubro de 2014:
Dulce Anca Santos, Paula Meizoso Pérez, Helga Méndez García, María Isasi
Varela, Francisco Lugrís Pita, Alvaro Montes Celeiro, Fernando Ramos Armesto, César
Manso Platas, Jorge Suárez Fernández, trátase a seguinte orde do día:
1-
Información sobre a Asemblea da Marea de
Coruña.
2-
Organización da Comisión Provisional en
Ferrol.
3-
Convocatoria da 2ª Asemblea en Ferrol.
4-
Reflexión sobre a posible creación de
partido para presentarse ás vindeiras eleccións municipais.
5-
Outras propostas.
1. Información sobre a
Asemblea da Marea de Coruña.
Infórmanos o compañeiro Álvaro Montes que asistiu á Marea en Coruña:
- Lánzanse preguntas para futuras Asembleas:
- Como se efectúa a renovación de cargos?
- Cabe a posibilidade de presentarse a Primarias? E de presentarse: Como partido? Como agrupación de partidos?
2. Organización da
Comisión Provisional en Ferrol.
Apróbase a seguinte organización, a proposta do compañeiro Jorge Suárez:
- Grupo de Extensión (3 persoas). Funcións: facer medrar a Marea; crear calendarios de actuacións (cronogramas); convocar Asembleas de Barrio(neste punto indícase que se fará unha comunicación previa ao Barrio, non unha reunión previa).
- Grupo de Comunicación (3 persoas). Funcións: Comunicación interna (entre afíns á Marea, convocatorias Asemblea, mail, etc.), e externa (medios comunicación, notas prensa, etc.). Refírese principalmente á comunicación escrita.
- Grupo de Voceiros (3 persoas). Comunicación cara ao público (roldas de prensa, etc.)
- Grupo de Redes Sociais (2 persoas). Manter as distintas informacións sobre a Marea actualizadas nas Redes Sociais: Facebook, Twitter, Blog, etc.
Asignación aos grupos da Comisión:
- Extensión: César Manso, María Isasi, Fernando Ramos.
- Comunicación: Jorge Suárez, Paula Meizoso.
- Voceiros: Helga Méndez, Álvaro Montes. Proponse a Miguel Castro como terceiro Voceiro, á espera da súa resposta.
- Redes Sociais: Dulce Anca e Francisco Lugrís.
- En espera a asignación da compañeira Esther Leira, que non puido asistir a esta primeira reunión.
3- Convocatoria da 2ª
Asemblea Marea Ártabra en Ferrol.
16 de outubro, ás 20h, no Centro Cultural Carvalho Calero (Praza do
Inferniño).
4- Reflexión sobre a
posible creación de partido para presentarse ás vindeiras eleccións municipais.
Tema posposto para a orde do día da 2ª Reunión da Comisión Provisional.
5- Outras propostas.
- Fálase sobre a idea do compañeiro César Manso de comunicar á cidadanía que reflexione e redacte “10 ideas para mellorar a túa cidade”. Coméntase a posibilidade de realizar esta proposta por barrios e por sectores.
- Necesidade de crear un posto á entrada de cada Asemblea da Marea con dúas funcións principais: recoller datos de contacto das xentes afíns á Marea; repartir papeis en branco co obxectivo de recoller propostas, dúbidas, preguntas, dos asistentes á Asemblea.
- Necesidade de organizar ás Asembleas da Marea cunha orde do día específica, para evitar que se alonguen en exceso: falar principalmente dos temas propostos na orde e tentar chegar a conclusións concretas sobre eses temas.
- Convócase a 2ª Reunión da Comisión Provisional para o vindeiro luns 13 de outubro, ás 20h, no Ateneo Ferrolán.
Orde do día 2ª Reunión Comisión Provisional:
- Reflexión sobre a posible creación de partido para presentarse ás vindeiras eleccións municipais.
- Elaborar a Orde do día da Asemblea da Marea do día 16 de outubro.
- Proposta de cronograma do Grupo de Extensión.
Péchase esta 1ª Reunión da Comisión Provisional ás
21.45h.
Mail da Marea Ártabra: mareaartabra@gmail.com