ACTA DA III ASEMBLEA DE MAREA ÁRTABRA (30-10-14) Unknown15:07

Acta. 

Ás 19:30 horas, no C. C. Carvalho Calero iníciase á III Asemblea da Marea Ártabra, con dous homes e dous mulleres na mesa, moderando, tomando acta e presentando a seguinte orde do día:

1.- Lectura da acta anterior

• Obxéctase que non houbo acordos na asemblea e si consideracións, o que é aceptado pola asemblea e procederase a cambiar a redacción da acta.

2.- Valoración da Asemblea de Barrio en Recimil

• En xeral hai unha valoración positiva por parte de toda a asemblea, que se saia á rúa a presentar á marea e escoitar as problemáticas concretas de cada barrio.
• Considérase a reivindicación dun parque de vivendas públicas, que se precisa definir a postura da Marea respecto a Recimil.
• Parte do debate céntrase na problemática concreta da Asociación de Veciños. Ratifícase que a Marea comunicará ás Asociacións de Veciños as asembleas de barrio.
• Recálcanse os problemas de comunicación para difundir as asembleas de barrio.
• Valórase que debe constituírse un grupo de traballo específico que volva a Recimil cunha proposta concreta para o barrio

3.- Organización
A coordinadora presenta unha proposta de grupos de traballo en sentido amplo:

1. Urbanismo
2. Emprego
3. Servizos
4. Educación e cultura
5. Muller
6. Normalización lingüística

• As catro primeiras son coincidentes coas do Concello e as dúas últimas serán transversais. Considérase importante crear unha estrutura que se vaia enchendo de contido a medida que se incorpore xente á marea. Todos os grupos serán con reunións abertas a toda a cidadanía
• No aspecto organizativo proponse unha reunión semanal da coordinadora, aberta, os luns ás 20:00 horas no ateneo e unha reunión mensual da asemblea da Marea de Ferrol. A coordinadora é un órgano propositivo é remárcase que o órgano decisor tanto no programa, como na organización e na candidatura será sempre a asemblea
• Unha persoa propón engadir un grupo de comunicación e extensión. Dende a mesa faise notar que a coordinadora está subdividida en tres grupos, comunicación, extensión e voceiros da marea. Vótanse as dúas propostas e ante o resultado de empate queda aprazada para a seguinte asemblea a presentación desta proposta. Unha persoa emite voto particular e considera que non se debería constituír ningún grupo por votación nula, o que se fai constar na acta por petición expresa
• Polo que apróbase e é acordo da asemblea constituír estes seis grupos de traballo e a forma de organización da coordinadora e as asembleas.
• Proponse e acórdase abrir un foro dependente da páxina web con tres subapartados: programa, organización, candidatura.
• Comunicación: xa que non toda a xente disposta a colaborar na Marea dispón de correo electrónico, acórdase mellora aspectos da comunicación, con octavillas, cartaces e un buzón da marea que estará en todas as asembleas, asembleas de barrio, grupos, etc. para suxestións e propostas á Marea. Incídese na necesidade de incorporar persoas que reforcen a comunicación.

4.- CronogramaA coordinadora presenta un cronograma xenérico:

• Novembro/decembro: asembleas de barrio e sectoriais
• Xaneiro/febreiro: forma de presentarse, regulamento de primarias, candidaturas
• Marzo: Primarias

Durante todo o proceso traballaríase na elaboración do programa político, un de 10/15 ideas forza para transformar Ferrol e outro, máis extenso, desenvolvido polos grupos de traballo e todo necesariamente debatido e ratificado pola asemblea
Ante a falta de consenso, posponse para a seguinte asemblea o cronograma.

5.- Asembleas de Barrio

Proponse e apróbase o seguinte calendario de asembleas:

• San Xoan: mércores, 5 de novembro
• Ferrol Vello: xoves, 13 de novembro
• Canido: xoves, 20 de novembro
• Santa Mariña: xoves, 27 de novembro

6.- Coordinadora

Convídase a participar na coordinadora do luns 3 de novembro que debe traballar para garantir o éxito da Asemblea de San Xoan e cumprir os acordos da asemblea


Anúnciase a IV Asemblea para o xoves 20 de novembro