Marea Artabra de Ferrol segue a súa rolda de contactos nos barrios da cidade, Xoves 13 de novembro ás 20 horas no local da AVV de Ferrol Vello (Fronte á Ranita).Construamos xuntos un espazo de participación cidadá, horizontalidade e transparencia, unha alternativa ao sistema que nos mal goberna.
Os gobernos que nos rexen dan as costas ao sufrimento e á desesperación dos nosos veciños e veciñas, que non soportan máis desindustrialización, máis malgasto, máis agresións medio ambientais, máis política social baseada na caridade, máis precarización do emprego e da vida mesma.
Fronte a esta política que quere converter a nosa comarca nun camposanto industrial, nunha paisaxe futurista desértica, a cidadanía de Ferrolterra debe ter a capacidade de organizarse, de avanzar en rebeldía e tomar o poder para devolver a Ferrol as cores da cultura, da industria, do asociacionismo e do cooperativismo, un Ferrol participativo e con políticas orientadas por e para a xente do común.
É a hora de loitar e vencer!
