ACTA DA VII ASEMBLEA (EXTRAORDINARIA) DA MAREA ÁRTABRA. (05-02-15) Unknown20:51

Acta. Pendente de aprobación.

En Ferrol, sendo as 20,05 horas do día 5 de febreiro de 2015, no Salón de Actos do C. C. Carvalho Calero, comeza a Asembleia Extraordinaria da Marea Ártabra escolléndose a Mesa que queda formada por Chema, Lucia e Cesar coa seguinte Orde do día:

1. Decisión sobre a presentación ou non de Marea Ártabra ás Eleccións Municipais.
2. Forma Xurídica da Marea.

Antes do incio pregúntase se algunha persoa quere presentar unha proposta para debater sobre a forma xuridica da Marea sen que se presente ningunha proposta máis, polo que tan só se debatirán as dúas propostas presentadas perante a Comisión extraordinaria de Organización celebrada o sábado 31 de xaneiro.

1. Decisión sobre a presentación ou non de Marea Ártabra ás Eleccións Municipais
Por parte da Mesa indícase que na Comisión extraordinaria de Organización celebrada o sábado 31 de xaneiro decidíuse propor á Asemblea a proposta de que Marea Ártabra se presente ás eleccións municipais.

Aberta unha quenda de intervencións para intervir sobre este tema non se solicitan palabras polo que se pasa directamente á votación que arroxa o seguinte resultado:

• Votos a favor de concurrir ás eleccións 24.
• En contra 0.
• Abstencións 3.

Queda aprobado polo tanto que Marea Ártabra presentarase ás eleccións municipais.

2. Forma Xurídica da Marea.
Desde a Mesa indícase que na Comisión extraordinaria do 31 presentáronse dúas propostas:

1. Presentarse como Agrupación de electores.
2. Presentarse como partido político de ámbito provincial deixando aberta a posibilidade de federarse a nivel galego con outras mareas, movementos cidadáns ou partidos políticos.

Comézase defendendo a proposta da agrupación de electores e, posteriormente deféndese a proposta de presentarse como partido político.

Unha vez rematada a defensa de cada proposta, ábrese unha quenda de intervencións aberta, na que as diferentes persoas que interveñen argumentan a favor ou en contra destas propostas incluindose no debate as posibles coalicións que poida asinar a Marea Ártabra.

Unha vez finalizado este debate pásase á votación das dúas propostas co seguinte resultado:

• Votos a favor de presentarse como agrupación de electores: 3. 
• A favor de presentarse como partido político de ámbito provincial: 23.
• Abstencións: 10.

Apróbase polo tanto que Marea Ártabra se presente ás eleccións municipais baixo a forma de partido político de ámbito provincial coa posibilidade de federarse con outras organizacións a nivel galego.

E sen máis asuntos que tratar levántase a sesión sendo as 22 horas 10 minutos.